Leik West Ham og Lyon í Evrópudeildinni í gær lauk með jafntefli. Aaron Cresswell í liði heimamanna fékk að líta beint rautt spjald á lokamínútu uppbótartíma fyrri hálfleiks fyrir að brjóta á síðastast sóknarmanni Lyon en staðan var markalaus þegar flaut var til loka fyrri hálfleiks.
Jarod Bowen kom 10 mönnum West Ham í forystu á 52. mínútu og gerði allt vitlaust á London vellinum. Tanguy Ndombele, sem er í láni hjá Lyon frá Tottenham, jafnaði á 66. mínútu þegar hann fylgdi eftir fyrirgjöf Tete sem Alphonse Areola, markvörður West Ham, sló út í teiginn.
West Ham menn héldu áfram að sækja þrátt fyrir að vera manni færri en hvorugu liði tókst að bæta við marki og lokatölur 1-1 jafntefli. Liðin mætast aftur í næstu viku.
Seint í leiknum átti sér stað ótrúlegt atvik en West Ham þjarmaði að marki Lyon, þá ákvað stuðningsmaður West Ham að hlapupa inn á völlinn og þar með stöðva sókn liðsins.
Ljóst er stuðningsmenn West Ham hreinlega hata þennan umrædda stuðningsmann enda hefði sigurmark komið sér vel fyrir seinni leikinn. Drengurinn ungi skammaðist sín ekkert og gaf stuðningsmönnum fingurinn.
West Ham are drawing 1-1 at home, need a goal, on the counter-attack and one of their fans run on the pitch…🤦♂️ pic.twitter.com/YhHfIxDIBN
— Theo (@Thogden) April 7, 2022