Cristiano Ronaldo framherji Manchester United hefur skotið fast til baka á Wayne Rooney fyrrum samherja sinn.
Rooney fyrrum fyrirliði Manchester United segir að félagið eigi að losa sig við Paul Pogba og Cristiano Ronaldo í sumar.
„Ronaldo hefur verið að skora mörk. Ef þú horfir samt á framtíð félagsins þá ertu með yngri og hungraða leikmenn. Þú þarft menn sem virka á næstu árum,“ sagði Rooney á Sky Sports.
„Ronaldo er að eldast, hann er ekki sami leikmaður og á áður. Það er auðvitað bara eðlilegt, hann skorar mörk en það þarf meira í leiknum í dag. Þú þarft unga og hungraða leikmenn.“
Rooney birti svo mynd af sér í myndveri á Instagram og þar mætti Ronaldo til að svara fyrir.
„Tveir afbrýðisamir,“ skrifar Ronaldo við myndina og birtir þar með mynd af augum sem horfa á þá félaga.