Manchester United hefur tekið ákvörðun um að Erik ten Hag verði næsti knattspyrnustjóri félagsins. Fjöldi miðla hefur sagt frá.
Sagt er að United vilji ganga frá ráðningunni sem fyrst í þeirri von um að geta farið að huga að leikmannamálum.
Telegraph segir frá því í dag að United horfi til þess að kaupa ensku landsliðsmennina, Harry Kane og Declan Rice til félagsins í sumar.
Ensku landsliðsmenirnir kosta líklega í kringum 200 milljónir punda saman en nokkrir leikmenn eru á förum frá United.
Ten Hag hefur undanfarið verið fyrsti kostur á blaði United sem næsti stjóri og nú virðist fátt geta stoppað það að hann taki við.
Kane vildi fara frá Tottenham síðasta sumar en fékk það ekki í gegn þá hefur Rice neitað að skrifa undir nýjan samning við West Ham.
The Athletic sagði frá því í gær að Kane væri spenntur fyrir því að skoða hvað United hefur að bjóða.
Manchester United eye Harry Kane and Declan Rice with incoming Erik ten Hag set for transfer war chest / @TelegraphDucker reports https://t.co/JeY52tLvyz
— Telegraph Football (@TeleFootball) April 7, 2022