Þremur leikjum var að ljúka í átta liða úrslitum í Evrópudeildinni rétt í þessu.
Eintracht Frankfurt tók á móti Xavi og hans mönnum í Barcelona í Þýskalandi. Marklaust var þegar dómari leiksins flautaði til loka fyrri hálfleiks en heimamenn komust yfir í upphafi síðari hálfleiks með marki Ansgar Knauff.
Ferrán Torres jafnaði fyrri Barcelona á 66. mínútu og útlitið varð enn bjartara fyrir gestina tólf mínútum síðar þegar Lucas Melo var rekinn útaf í liði Frankfurt. Börsungum tókst þó ekki að nýta sér liðsmuninn og lokatölur 1-1.
Leik West Ham og Lyon endaði einnig með jafntefli. Aaron Cresswell í liði heimamanna fékk að líta beint rautt spjald á lokamínútu uppbótartíma fyrri hálfleiks fyrir að brjóta á síðastast sóknarmanni Lyon en staðan var markalaus þegar flaut var til loka fyrri hálfleiks.
Jarod Bowen kom 10 mönnum West Ham í forystu á 52. mínútu og gerði allt vitlaust á London vellinum. Tanguy Ndombele, sem er í láni hjá Lyon frá Tottenham, jafnaði á 66. mínútu þegar hann fylgdi eftir fyrirgjöf Tete sem Alphonse Areola, markvörður West Ham, sló út í teiginn.
West Ham menn héldu áfram að sækja þrátt fyrir að vera manni færri en hvorugu liði tókst að bæta við marki og lokatölur 1-1 jafntefli. Liðin mætast aftur í næstu viku.
Þá vann Sporting Braga 1-0 sigur á Rangers en skoska liðið sló Borussia Dortmund út í 16-liða úrslitum. Abel Ruiz skoraði eina mark leiksins og sigurmark Braga á 40. mínútu. Fyrr í kvöld gerðu RB Leipzig og Atalanta 1-1 jafntefli.