Paul Pogba vill helst komast til Juventus í sumar þegar samningur hans við Manchester United rennur út. Tuttosport á Ítalíu greinir frá þessu.
Hinn 29 ára gamli Pogba hefur verið á mála hjá Man Utd frá árinu 2016. Hann hefur ekki gert sig líklegan til að skrifa undir nýjan samning og getur því eins og staðan er samið um að ganga frítt til liðs við annað félag í sumar.
Pogba kom frá Juventus til Man Utd á sínum tíma og vill hann helst snúa aftur þangað.
Sögusagnir eru hins vegar um að ítalska stórveldið sé ekki tilbúið í að ganga að launakröfum miðjumannsins.
Þá er einmitt Paris Saint-Germain í heimalandi Pogba tilbúið til þess að bjóða honum góðan samning. PSG hefur einnig áhuga á Pogba.