Jamie Caplan 25 ára gamall stuðningsmaður Manchester United reifst við Darren Fletcher tækinlegan ráðgjafa Manchester United og Scott McTominay miðjumann félagsins.
Caplan lét í sér heyra í stúkunni þegar Kelechi Iheanacho skoraði fyrir Leicester í 1-1 jafntefli gegn United á laugardag.
Myndband af rifrildinu hefur vakið athygli. „Fletcher var sá sem móðgaðist og bað mig um að drullast til að setjast niður. Ég lét hann heyra það á móti og tók þessu persónulega,“ segir Caplan.
Highlight of the game fletcher and a fan going at each other – missed half of it #mufc #MUNLEI pic.twitter.com/vbJoMmCFRB
— ollie elliott (@ElliottOllie) April 2, 2022
Caplan kallaði eftir því að leikmenn liðsins myndu leggja sig fram.
„Ég var brjálaður og hann hætti að tala. Síðan kom Scott McTominay og snér sér við, ég gat ekki heyrt hvað hann sagði því ég var að koma mér fyrir í sætinu mínu.“
„Ég hef sett mikið af fjármunum í félagið, ég mæti á mikið af leikjum. ÉG öskraði á þá að berjast og að þeim væri sama. Fletcher var ekki sáttur með það en hann ætti að vita sem fyrrum leikmaður hvað þarf til.“