Ronald Koeman mun taka við hollenska landsliðinu 1 janúar á næsta ári. Frá þessu er greint í dag.
KOeman lét af störfum árið 2020 hjá hollenska landsliðinu en var rekinn síðasta haust frá Barcelona.
Hann tekur við af Louis van Gaal eftir HM í Katar. Van Gaal greindi frá því í vikunni að hann væri að berjast við krabbamein.
„Ég er spenntur fyrir samstarfinu, fyrir einu og hálfi ári hætti ég en það var á góðum nótum,“ sagði Koeman.
„Mér leið vel hérna, við náðum góðum úrslitum og samband við leikmenn var gott. Við munum halda þeirri vegferð áfram.“