Á fundum stjórnar KSÍ 24. mars og 4. apríl voru samþykktar tímabundnar breytingar á reglugerð KSÍ um knattspyrnumót. Um er að ræða breytingar er snúa að leikmannaskiptingum í efstu deildum karla og kvenna. Breytingarnar hafa verið kynntar aðildarfélögum með dreifibréfi.

Á keppnistímabilinu 2022 verður heimilt að setja fimm varamenn inn á í leikjum í efstu deild karla, efstu deild kvenna, 1. deild karla og bikarkeppni KSÍ. Í hverjum leik er þó aðeins heimilt að nota þrjár leikstöðvanir til skiptinga en einnig er heimilt að nota leikhléið til skiptinga.

Sé leikur framlengdur má hvort lið nota einn varamann til viðbótar með því að nota eina leikstöðvun til viðbótar. Einnig má nýta hlé fyrir upphaf framlengingar og hálfleik framlengingar til skiptinga. Þetta eru samhljóma ákvæði og þau sem voru í gildi á árinu 2020 og 2021.