Piers Morgan hikar yfirleitt ekki við það að láta gamminn geisa ef hann er ósáttur við hitt og þetta.
Hann er einn frægasti stuðningsmaður enska úrvalsdeildarliðsins Arsenal og er fljótur að draga fram lyklaborðið þegar hann er ósáttur við gang mála.
Arsenal hefur átt fínasta tímabil undir stjórn Mikel Arteta og er í hörkubaráttu um sæti í Meistaradeild Evrópu.
Eftir 3-0 tap gegn Crystal Palace í ensku úrvalsdeildinni í gær lét Piers þó óánægju sína í ljós og undirstrikaði það sem hann skrifaði á Twitter eftir leik liðanna á Emirates-leikvanginum fyrr á tímabilinu. Sá leikur fór 2-2 og eftir hann skrifaði Piers ,,Við erum með rangan fyrrum fyrirliða Arsenal við stjórnvölinn. Eftir kvöldið í kvöld er ljóst að þetta er rétti maðurinn.“ Með birti hann svo mynd af sér með Patrick Viera, Arsenal-goðsögn og nú stjóra Palace. Piers vill sjá Frakkann taka við.
Eftir leikinn í gærkvöldi endurbirti hann þessi skilaboð og skrifa einfaldlega ,,deja vu.“
Deja vu. https://t.co/RPIP2d6MlA
— Piers Morgan (@piersmorgan) April 4, 2022