Þórir Jóhann Helgason kom inn á sem varamaður og lék í tæpan hálftíma með Lecce gegn Ternana í ítölsku B-deildinni í dag.
Lecce vann leikinn 1-4 en um gríðarlega mikilvægan sigur var að ræða.
Lecce styrkti með sigrinum stöðu sína í öðru sæti deildarinnar. Efstu tvö liðin fara beint upp í efstu deild. Liðið er með 62 stig, stigi á eftir toppliði Cremonese og 4 stigum á undan Hirti Hermannssyni og félögum í Pisa. Síðarnefnda liðið á þó leik til góða.