Birkir Már Sævarsson laumaði sér á nuddbekkinn í vikunni, eitthvað sem hann hafði talað um að gera ekki. Frá þessu sagði Arnór Smárason liðsfélagi hans í Val á Hringbraut í gær. Arnór var gestur í Íþróttavikunni hjá Benna Bó.

„Hann er bara eitthvað undur, ótrúlegur maður. Frábær manneskja líka, þetta er Valsari út í gegn. Hann er í yfirvinnu núna þegar úrslitakeppnin er í körfu og handbolta. Hann mætir á alla leiki,“ segir Arnór um hin 37 ára gamla liðsfélagi.

„Hann verður betri með aldrinum, upp og niður vænginn. Hann var að djóka með það að hann er aldrei meiddur, hann sagðist aldrei ætla á nuddbekkinn í ár. Svo er hann aðeins að verða eldri, hann var á nuddbekknum í gær. Það er gaman að vera með honum í öllum þessum liðu og leikjum. Hann á nóg eftir,“ sagði Arnór en Birkir var einnig liðsfélagi hans í Hammarby og í íslenska landsliðinu.

Arnar Daði Arnarson þjálfari Gróttu í handbolta var einnig gestur í þættinum. „Alveg sammála, Birkir Már var mættur á Grótta – Valur í fyrstu umferð. Hann mætir á alla Vals leiki, alla heimaleiki í karla og kvenna. Öll fjölskyldan, það er svo geðveikt að sjá þetta. Ef það væru til fleiri eins og hann, þá væri heimurinn fullkominn.“