Margrét Lára Viðarsdóttir, sérfræðingur um fótbolta hvaða nafni sem hann heitir, ætlar að taka þátt í Járnkalli, eða Iron Man, keppni í Svíþjóð. Margrét var gestur í Íþróttavikunni á Hringbraut þar sem þetta kom fram.
„Ég er eiginlega ekkert búin að vera uppljóstra um þetta fyrr en núna því ég er eiginlega búinn að vera að hætta við þegar ég áttaði mig á því hvað ég væri búinn að koma mér út í,“ sagði Margrét létt.
Einar Örn Guðmundsson, eiginmaður Margrétar, hefur haft það á sínum lista að keppa í fullum járnkalli síðan hann lagði handboltaskóna á hilluna. „Fyrst hann var að fara þá gat ég ekki verið minni maður. Ég ákvað að fara með og hjálpa þegar hann springur,“ segir hún.
Benedikt Bóas, umsjónarmaður þáttarins, benti á að Hörður Snævar, íþróttastjóri Torgs, sem sat í settinu fékk áskorun ekki alls fyrir löngu um að hlaupa hálfmaraþon í Mývatnsmaraþoninu – sem er trúlega fallegasta hlaupaleið landsins.
Margrét sagði þá að það væri gott að uppljóstra markmiðunum sínum, þá væri erfiðara að bakka út úr þeim.