Ellefu leikir fóru fram í fyrstu umferð Mjólkurbikars karla í gær.
Lengjudeildarlið Selfoss og Kórdrengja unnu stórsigra gegn sínum andstæðingum.
Selfoss vann 1-9 gegn Ísbirninum þar sem Gonzalo Zamorano skoraði þrennu. Gary Martin gerði tvö mörk í leiknum. Hin mörkin skoruðu þeir Jón Vignir Pétursson, Hrvoje Tokic og Chris Jastrzembski. Þá gerði Ísbjörninn eitt sjálfsmark.
Kórdrengir unnu þá 8-1 sigur á ÍH. Nýr leikmaður þeirra, Sverrir Páll Hjaltested, gerði tvö mörk í leiknum. Hin mörkin gerðu Gunnlaugur Fannar Guðmundsson, Daði Bergsson, Óskar Atli Magnússon, Þórir Rafn Þórisson, Leonard Sigurðsson og Arnleifur Hjörleifsson.
KV, nýliðar í Lengjudeildinni, unnu þá 1-4 sigur á GG þar sem Grímur Ingi Jakobsson, Þorsteinn Örn Bernharðsson, Einar Már Þórisson og Ingólfur Sigurðsson gerðu mörk þeirra.
Öll úrslit gærdagsins
Hamrarnir 3-6 Samherjar
Kári 3-0 Árborg
Kórdrengir 8-1 ÍH
Hörður 1-5 Álftanes
Kormákur/Hvöt 0-3 Dalvík Reynir
Berserkir/Mídas 0-6 Víkingur Ó.
GG 1-4 KV
Kría 5-8 Uppsveitir
Sindri 6-0 Spyrnir
Ísbjörninn 1-9 Selfoss
Víðir 6-0 SR