Íslendingaliðin í MLS-deildinni vestanhafs voru í eldlínunni í gærkvöldi og nótt.
Arnór Ingvi Traustason var í byrjunarliði New England Revolution í 3-2 tapi gegn Inter Miami.
New England er í næstneðsta sæti Austurdeildarinnar með 4 stig.
Þorleifur Úlfarsson kom þá inn á sem varamaður og lék síðustu 20 mínúturnar í 4-3 sigri Houston Dynamo á San Jose Earthquakes.
Houston er í fimmta sæti Vesturdeildarinnar með 11 stig.
Loks var Róbert Orri Þorkelsson ónotaður varamaður er Montreal vann 1-2 sigur á New York Red Bulls.
Montreal er í áttunda sæti Austurdeildarinnar með 7 stig.