Mohamed Salah gæti verið á förum frá Liverpool í bráð.
Umboðsmaður Salah lét fyrir nokkrum vikum hafa eftir sér að engar líkur væru á að Egyptinn skrifaði undir það samningstilboð sem nú er á borðinu frá Liverpool. Samningur hans er á enda eftir 15 mánuði. Ljóst er að Liverpool vill sjá Salah skrifa undir fyrir sumarið.
Nái Salah ekki saman við Liverpool eru líkur á því að enska félagið selji sinn besta mann frekar en að eiga á hættu að missa hann frítt sumarið 2023.
Nú segir spænski miðillinn Sport frá því að Salah þrái helst að ganga til lið við spænska stórveldið Barcelona.
Það er ljóst að stór ákvörðun bíður bæði Salah og Liverpool á allra næstu misserum.