Manchester United hefur staðfest að portúgalski miðjumaðurinn Bruno Fernandes hafi skrifað undir samning út tímabilið 2026. Þá er ákvæði í samningnum sem gefur leyfi til þess að framlengja samninginn um eitt ár.
Bruno hefur komið inn af miklum krafti í lið Manchester United frá því að hann gekk til liðs við félagið frá Sporting Lisbon.
Í þeim 117 leikjum sem hann hefur spilað fyrir liðið hefur hann skorað 49 mörk og gefið 39 stoðsendingar.
,,Frá þeim tímapunkti sem ég gekk til liðs við Manchester United hef ég átt sérstakt samband við félagið og frábæra stuðningsmenn þess. Ég ólst upp við það að horfa á Manchester United og dreymdi um að geta spilað fyrir félagið.“
,,Jafnvel núna eftir tvö ár hjá félaginu fæ ég ennþá sérstaka tilfinningu við það að stíga inn á Old Trafford, heyra stuðningsmennina syngja lag um mig og skora mark fyrir framan Stretford end. Það er sannur heiður að klæðast treyju Manchester United og berjast fyrir félagið.“
,,Ég vil afreka svo miklu meira hérna og veit að það gildir einnig um liðsfélaga mína og starfsliðið. Meira en allt, viljum við færa stuðningsmönnunum árangurinn sem þeir eiga skilið. Við höfum deilt frábærum stundum saman en það besta á enn eftir að eiga sér stað,“ segir Bruno Fernandes eftir að hafa skrifað undir nýjan samning við Manchester United.
2️⃣0️⃣2️⃣6️⃣ 🔴🇵🇹@B_Fernandes8 has penned a new deal at Old Trafford! ✍️#MUFC
— Manchester United (@ManUtd) April 1, 2022