Það hefur lítið gengið upp hjá Eden Hazard frá því hann kom til Real Madrid á 100 milljónir punda frá Chelsea árið 2019.

Hazard mætti of þungur til félagsins og hefur svo verið mikið meiddur.

Í ljósi stöðunnar á Belganum hafa orð knattspyrnustjórans Jose Mourinho frá árinu 2015 verið rifjuð upp. Hann var á þeim tíma stjóri Hazard hjá Chelsea.

,,Leik eftir leik er honum refsað af mótherjanum og dómararnir passa ekkert upp á hann. Það er möguleiki á því að einn daginn munum við ekki hafa neinn Eden Hazard,“ sagði Mourinho í þessu sjö ára gamla viðtali. Þarna kvartaði hann undan því hversu mikið brotið væri á Hazard.

Miðað við stöðuna á Hazard í dag má velta því upp hvort nokkuð hafi verið til í þessu hjá Mourinho.