Bjarni Helgason stjörnublaðamaður Morgunblaðsins veltir því fyrir sér hver tilgangurinn var með æfingaleik Íslands gegn Spáni í vikunni.

Íslenska liðið sem er að ganga í gegnum mikilla endurnýjun tapaði 5-0 gegn Spáni og átti aldrei séns. „Það var áhuga­vert að fylgj­ast með vináttu­lands­leik Spán­ar og Íslands í La Cor­una á Spáni á síðasta þriðju­dag. Íslenska liðið átti aldrei mögu­leika gegn sterku liði Spán­verja og voru yf­ir­burðir spænska liðsins væg­ast sagt skugga­leg­ir. Spán­verj­ar voru 80% með bolt­ann í leikn­um og áttu fimmtán marktilraun­ir gegn einni marktilraun Íslands,“ skrifar Bjarni í Morgunblaðið.

Bjarni skoðar svo tölfræði leiksins.

„Þá áttu Spán­verj­ar 888 send­ing­ar í leikn­um á meðan Ísland átti 169 send­ing­ar en ís­lenska liðið var í vand­ræðum með að tengja tvær til þrjár send­ing­ar á milli manna all­an leik­inn.“

Bjarni veltir því fyrir sér hver tilgangurinn var fyrir íslenska liðið að spila þennan leik.

„Maður get­ur ekki annað en velt því fyr­ir sér hver til­gang­ur­inn sé með því að spila gegn svona sterku og vel spilandi liði eins og Spán­verj­um. Íslenska liðið er að ganga í gegn­um mikla end­ur­nýj­un og allt það. Þjálf­ar­inn er að reyna að koma sinni hug­mynda­fræði að með unga og reynslu­litla leik­menn í liðinu.“