Ian Wright, Arsenal-goðsögn og sparkspekingur, hefur miklar mætur á stjörnuframherjanum Harry Kane í liði Tottenham. Kane er 28 ára gamall en hefur aldrei unnið stóran titil með félagi sínu. Hann var mikið orðaður við Manchester City síðasta sumar en allt kom fyrir ekki.
,,Það er auðvelt að sjá af hverju félög vilja hann. Hvaða lið sem er í heiminum vill hann. Sjáið bara hvernig hann klárar færin, hungrið hans og stöðugleikann,“ sagði Wright.
Wright segir að Kane þurfi að taka ákvörðun fljótlega um það hvort hann ætli að vera hjá Tottenham til frambúðar eða fara annað. ,,Þegar hann hættir þá vona ég að hann hafi unnið eitthvað. Hann á það skilið. Hann lítur út fyrir að vera ánægður en hann þarf að taka stóra ákvörðun.“
,,Ímyndið ykkur Harry Kane hjá Liverpool. Ef ég gæti sett Kane í Liverpool-lið með Salah, Mane og Diaz og spila honum sem níu, hann getur dottið niður og gert sitt.“
,,Ég myndi skoða þetta því þetta er Harry Kane. Hann mun skora. Fólk talar um að Firmino skori ekki nógu mörg mörk og klúðri of mörgum færum. Harry Kane klúðrar ekki þessum færum.
