Kleberson, fyrrum leikmaður Manchester United, telur að liðið eigi að reyna að fá Roberto Firmino frá Liverpool í sumar til þess að hjálpa Marcus Rashford.
Rashford hefur verið slakur á tímabilinu og aðeins skorað fimm mörk hingað til í öllum keppnum. Hann var ekki valinn í enska landsliðshópinn að þessu sinni.
Kleberson telur að Rashford þurfi annan framherja til að hjálpa sér og telur að Firmino gæti verið fullkominn í það.
„Leikstíll Roberto Firmino hentar Manchester United. Hann spilar hærra með brasilíska landsliðinu en aðein dýpra með Liverpool.“
„Hann hefur lært svo margt af Jurgen Klopp og þetta er klár leikmaður. Hann býr til svo mikið fyrir liðsfélaga sína. Firmino getur hjálpað Rashford og Sancho á vængjunum ef hann kemur til Manchester United.“
„Firmino er nákvæmlega sá leikmaður sem Manchester United ætti að vera að leita að“