Manchester United hefur sent frá sér yfirlýsinu vegna máls Mason Greenwood leikmanns félagsins. Greenwood var settur í bann hjá félaginu eftir handtöku og er enn.

Greenwood er laus gegn tryggingu á meðan lögregla rannsakar mál hans. Framherjinn fær þó ekki að mæta á æfingar hjá Manchester sem hefur sett hann í bann. Er Greenwood grunaður um kynferðisbrot, heimilisofbeldi og líflátshótanir í garð unnust sinnar.

Harriet Robson, fyrrverandi kærasta leikmannsins, birti myndir af sér á Instagram síðu sinni með sprungna vör og aðra áverka sem hún sakar Greenwood um að hafa veitt sér

Kjaftasögur hafa verið í gangi um að Greenwood gæti verið að snúa aftur en var það vegna þess að stuðningsmenn fóru að sjá nafn hans á vef félagsins.

„Það hefur engin breyting orðið á stöðu Mason. Við fjarlægðum nafn hans úr smáforriti okkar þegar hann var tekinn úr hópnum í janúar,“ sagði í yfirlýsingu.

„Síða hans á vef okkar hefur hins vegar alltaf verið í gangi þar sem hann er enn leikmaður Manchester United. Hann er hins vegar ekki hluti af hópnum á meðan málið er til skoðunar.“