Samkvæmt Gazzetta á Ítalíu hefur Antonio Rudiger, miðvörður Chelsea, komistað samkomulagi um að ganga í raðir Juventus í sumar þegar samningur hans við Chelsea rennur út.
Chelsea getur ekki samið við hinn 29 ára gamla Rudiger eins og er eftir að eignir Roman Abramovich, eiganda félagsins, voru frystar. Því kemur sem stendur ekkert í veg fyrir að Þjóðverjinn fari frítt í sumar.
Gazzetta segir að Juve og Rudiger hafi gert með sér fjögurra ára samning.
Þá segir Football Insider frá því að annar varnarmaður Chelsea, Cesar Azpilicueta, hafi samið óformlega við Barcelona um að ganga í raðir félagsins í sumar.
Samningur þessa 32 ára Spánverja rennur út í sumar líkt og hjá Rudiger.
Azpilicueta hefur verið á mála hjá Chelsea í áratug en Rudiger kom árið 2017.