Þrír leikmenn gáfu ekki kost á sér í íslenska landlsiðshópinn sem opinberaður var rétt í þessu. Liðið mætir Finnlandi og Spáni í æfingaleikjum síðar í þessum mánuði.
Arnar Þór Viðarsson greindi frá þessu þegar hópurinn var opinberaður í dag.
„Ég ætla að byrja á því að upplýsa það, það voru þrír leikmenn sem gáfu ekki kost á sér. Guðlaugur Victor, Sverrir Ingi, Mikael Neville,“ sagði Arnar Þór.
Guðlaugur Victor Pálsson er miðjumaður Schalke og lék stórt hlutverk á síðustu leiktíð. Sverrir Ingi Ingason var ekki seinni hlutann á síðasta ári og gefur ekki kost á sér núna.
Arnar segir að allir þrír gefi ekki kost á sér af persónulegum ástæðum. „Allar persónulegar, ekkert sérstakt þar á bakvið. Mikael er að verða pabbi í annað skiptið.“