Wolves tók á móti Leeds í kvöld í fyrsta leik helgarinnar í ensku úrvalsdeildinni.
Heimamenn leiddu 2-0 í hálfleik eftir mörk frá Jonny og Trincao.
Það stefndi í gott kvöld hjá Úlfunum en það breyttist þegar Raul Jimenez fékk sitt annað gula spjald og þar með rautt á 53. mínútu.
Tíu mínútum síðar minnkaði Jack Harrison muninn fyrir Leeds og skömmu síðar jafnaði Rodrigo leikinn fyrir gestina.
Luke Ayling skoraði svo sigurmarkið á fyrstu mínútu uppbótartíma.
Wolves er í áttunda sæti deildarinnar með 46 stig. Leeds er í sextánda sæti með 29 stig, nú 7 stigum fyrir ofan fallsæti.
