David de Gea markvörður Manchester United kemst ekki lengur í spænska landsliðshópinn en nýr hópur var kynntur í dag.
Luis Enrique hefur misst trúna á De Gea og hefur Unai Simon verið fyrsti kostur.
De Gea hefur verið á bekknum en ekki lengur því Robert Sanchez markvörður Brighton og David Raya hjá Brentford eru á undan honum.
Annað er nokkuð svipað og Enrique hefur valið undanfarið en liðið mætir Albaníu og okkur Íslendingum í æfingaleikjum.