NFL-goðsögnin Tom Brady var staddur á leik Manchester United og Tottenham sem fram fór á laugardaginn.
Brady hætti í NFL fyrir sjö vikum síðan en ákvað í gær að endursemja við Tampa Bay en hann er 44 ára gamall.
Brady og Cristiano Ronaldo áttu gott spjall eftir leik en Brady var með syni sína á vellinum, yngri sonur Brady fékk treyju í gjöf frá Ronaldo.
Always a pleasure and a privilege to share some thoughts and ideas with another GOAT… 👏🏽👊🏽 pic.twitter.com/HsFe7UxjQ6
— Cristiano Ronaldo (@Cristiano) March 13, 2022
Brady greindi frá því í gær að hann væri hættur við að hætta hjá Tampa sem er í eigu Glazer fjölskyldunnar líkt og Manchester United. ,,Undanfarna tvo mánuði hef ég áttað mig á því að ég hef enn hlutverks að gegna innnan vallar og að ég er ekki tilbúinn að vera upp í súku. Sá tími mun koma en hann er ekki núna. Ég elska liðsfélaga mína og mína stuðningsríku fjölskyldu, þau gera þetta allt að veruleika. Ég mun snúa aftur og spila mitt 23 tímabili í Tampa,“ skrifaði Tom Brady í færslu á samfélagsmiðlum í gær.
Ronaldo vissi á undan öðrum að Brady væri hættur við að hætta eins og sjá má hér að neðan.
Ronaldo knew about Brady before us 👀 pic.twitter.com/8dxeFu5MhN
— ESPN FC (@ESPNFC) March 13, 2022