Yfir 80 þúsund einstaklingar hafa skrifað undir áskorun þess efnis að Kurt Zouma, leikmaður West Ham United, verði lögsóttur fyrir dýraníð.
Myndband sem fór í dreifingu á samfélagmiðlum á dögunum sýndi Zouma sparka og slá til kattar síns og í kjölfarið spratt upp mikil reiði hjá fólki. Zouma var hins vegar ekki refsað, hann var í byrjunarliði West Ham í gær þegar að liðið tók á móti og vann Watford í ensku úrvalsdeildinni.
Stuðningsmenn beggja liða bauluðu á Zouma í leiknum og nú hefur undirskriftalisti við áskorun um að Zouma verði lögsóttur, verið settur inn á vefsíðuna Change.org.
Það eru dýraverndunarsamtökin Anti Animal Abuse, sem settu upp áskorunina en nú þegar hafa 80 þúsund einstaklingar skrifað undir.
,,Við viljum að lögregluyfirvöld ásamt RSPCA (stærstu dýravelferðarsamtök í Bretland) rannsaki málið og lögsæki þá einstaklinga sem eiga í hlut. Þá óskum við eftir því að öll dýr verði fjarlægð af heimili Zouma. Ef þessu verður ekki fylgt eftir erum við að senda þau skilaboð að dýraníð feli í sér skemmtanagildi,“ segir í yfirlýsingu frá Anti Animal Abuse samtökunum.