Liverpool er enn með augastað á Raphinha, vængmanni Leeds, þrátt fyrir komu Luiz Diaz til til félagsins frá Porto í janúarglugganum. The Athletic segir frá þessu.
Hinn 25 ára gamli Raphinha hefur staðið sig vel á þessari leiktíð. Hann hefur skorað átta mörk og lagt upp tvö fyrir Leeds í ensku úrvalsdeildinni. Brasilíumaðurinn hefur verið orðaður við stærri lið undanfarið.
Diaz spilar, líkt og Raphinha, úti á vængnum. Hann var fenginn til Liverpool til að auka breiddina fram á við, þar sem fyrir eru leikmenn á borð við Mohamed Salah, Sadio Mane, Roberto Firmino og Diogo Jota.
Salah, Mane og Firmino renna þó allir út á samning eftir næstu leiktíð. Gæti Liverpool því horft til framtíðar.