Að mati Manchester United-goðsagnarinnar Rio Ferdninand eru þeir Edouard Mendy, David De Gea og Ederson bestu markmenn heims í dag. Þá telur Ferdinand þann fyrst nefnda standa upp úr í hópi þessara þriggja.
Mendy hefur verið frábær fyrir Chelsea frá komu sinni árið 2020. Þá átti hann stóran þátt í því að Senegal varð Afríkumeistari í fyrsta sinn nú á dögunum.
,,Mendy stendur upp úr, sérstaklega á þessu ári. Hann hefur verið stórkostlegur,“ sagði Ferdinand.
Sem fyrr segir er það skoðun þessa fyrrum miðvarðar Man Utd og fleiri félaga að De Gea og Ederson komi næstir á eftir Mendy.
Leika þeir í ensku úrvalsdeildinni, De Gea með Man Utd og Ederson með Man City, líkt og Mendy.