Enginn íslenskur leikmaður lék með Íslendingaliði Venezia í 3-1 tapi gegn Verona í Serie A, efstu deild ítalska boltans í dag.
Giovanni Simeone skoraði þrennu fyrir heimamenn í Verona en David Okereke skoraði mark Venezia.
Venezia er í átjánda sæti deildarinnar með 22 stig, 3 stigum frá öruggu sæti.
Góð úrslit hjá Þóri en Hjörtur tapaði
Í ítölsku B-deildinni var Þórir Jóhann Helgason í byrjunarliði Lecce sem vann 0-1 sigur á Monza. Þórir lék í um 70 mínútur.
Á sama tíma tapaði lið Hjartar Hermannsonar, Pisa, 1-0 gegn Reggina. Hjörtur sat allan leikinn á varamannabekknum.
Lecce er á toppi deildarinnar með 49 stig. Pisa er í fimmta sæti með 46 stig.