Vanda Sigurgeirsdóttir hefur verið kjörinn formaður KSÍ en þetta var ljóst á ársþingi sambandsins nú rétt í þessu. Hafði hún betur í baráttu gegn Sævari Péturssyni.
Sævar Pétursson fékk 44 atkvæði, Vanda fékk 105 atkvæði. Því er um að ræða gríðarlega yfirburði Vöndu.
Kjörið fór fram á Ásvöllum í dag en mikil spenna hafði verið fyrir kjörið. Margir töldu að jafnt yrði á tölum en Vanda vann með gríðarlegum yfirburðum.
Vanda var kjörinn formaður KSÍ á aukaþingi sambandsins á síðasta ári en með sigrinum í dag hefur hún tryggt sér embættið til næstu tveggja ára.
Vanda hefur mikla reynslu sem knattspyrnukona bæði á vellinum og utan hans í þjálfun. Hún mun nú leiða sambandið í gegnum næstu tvö ár.
