Manchester United gerði markalaust jafntefli við Watford fyrr í dag í ensku úrvalsdeildinni. United fékk þó nokkur færi til þess að gera út um leikinn en inn vildi boltinn ekki.
Ralf Rangnick, stjóri Manchester United, var ánægður með spilamennskuna en sagði að sínir menn þyrftu að vera grimmari fyrir framan markið.
„Við gerðum allt nema að skora. Það er mjög erfitt að sætta sig við þessi úrslit. En að sjálfsögðu ef þú klúðrar svona mörgum færum þá er erfitt að vinna leiki,“ sagði Rangnick við Match of the Day.
„Við vorum með fulla stjórn á nánast öllum leiknum, við leyfðum þeim ekki að fara í neinar skyndisóknir.“
„Við þurfum að vera grimmari fyrir framan markið. Það er eiginlega ekki hægt að skapa fleiri færi en við gerðum í dag.“