Leeds tók á móti Tottenham í ensku úrvalsdeildinni í dag. Leiknum lauk með öruggum sigri Tottenham.
Gestirnir byrjuðu leikinn af krafti og braut Matt Doherty ísinn strax á 10. mínútu leiksins. Dejan Kulusevski tvöfaldaði forystuna aðeins fimm mínútum síðar eftir stoðsendingu frá Matt Doherty. Veislan í fyrri hálfleik hélt áfram og skoraði Harry Kane þriðja markið á 27. mínútu eftir soðsendingu frá Pierre-Emile Hojbjerg. Tottenham leiddi 3-0 er flautað var til hálfleiks.
Seinni hálfleikur var aðeins rólegri en bæði lið áttu þó sín tækifæri. Heung-Min Son skoraði fjórða markið á 85. mínútu eftir stoðsendingu frá Harry Kane. Þetta reyndist lokamark leiksins og 0-4 sigur Tottenham því niðurstaðan.
Tottenham er í 7. sæti deildarinnar með 42 stig en Leeds er í 15. sæti deildarinnar með 23 stig.
Leeds 0 – 4 Tottenham
0-1 Matt Doherty (´10)
0-2 Dejan Kulusevski (´15)
0-3 Harry Kane (´27)
0-4 Heung-Min son (´85)