Þremur leikjum var að ljúka í ensku úrvalsdeildinni rétt í þessu.
Manchester United tók á móti Watford á Old Trafford. Heimamenn voru betra liðið í fyrri hálfleik og áttu nokkur hættuleg færi en Bruno Fernandes fékk meðal annars dauðafæri í fyrri hálfleik. Markalaust var er flautað var til hálfleiks. Hvorugt liðið náði að koma boltanum í netið en Manchester United átti 22 skot að marki í dag.
Á sama tíma tók Crystal Palace á móti Burnley. Jeffrey Schlupp kom heimamönnum yfir strax á 9. mínútu eftir stoðsendingu frá Michael Olise. Luka Milivojevic varð fyrir því óláni snemma á fyrstu mínútu seinni hálfleiks að skora sjálfsmark og jafna fyrir Burnley og reyndist það lokamark leiksins.
Loks tók Brentford á móti Newcastle og unnu gestirnir nokkuð þægilegan sigur. Joshua Dasilva fékk beint rautt spjald strax á 11. mínútu og var eftirleikurinn auðveldur fyrir Newcastle. Joelinton skoraði fyrsta markið á 33. mínútu og Joseph Willock tvöfaldaði forystuna á 44. mínútu. Cristian Eriksen kom inn við mikinn fögnuð á á 52. mínútu í sínu fyrsta leik frá því að hann fór í hjartastopp í leik með Danmörku á EM í sumar
Manchester United 0 – 0 Watford
Crystal Palace 1 – 1 Burnley
1-0 Jeffrey Schlupp (´9)
1-1 Luka Milivojevic sjálfsmark (´46)
Brentford 0 – 2 Newcastle
0-1 Joelinton (´33)
0-2 Joseph Willock (´44)