Jack Wilshere er óvænt við það að ganga í raðir AGF í Danmörku. Århus Stiftstidende segir frá og vakti Fótbolti.net athygli á þessu fyrir stuttu.
Hjá AGF mun Wilshere hitta fyrir þá Jón Dag Þorsteinsson og Mikael Anderson, landsliðsmenn Íslands.
Wilshere er þekktastur fyrir tíma sinn hjá Arsenal. Hann lék með Bournemouth á síðustu leiktíð.
Englendingurinn hefur æft með Arsenal undanfarnar vikur.
Wilshere mun skrifa undir samning við AGF út þessa leiktíð með möguleika á árs framlengingu.
AGF er í sjöunda sæti dönsku úrvalsdeildarinnar.