Samkvæmt frétt Mirror í morgun leiðir Manchester City kapphlaupið um Erling Braut Haaland.
Haaland mun að öllum líkindum fara frá Borussia Dortmund í sumar þegar klásúla í samningi hans hjá þýska félaginu tekur gildi. Hún gerir Norðmanninum kleyft að yfirgefa Dortmund fyrir tæplega 70 milljónir punda.
Talið er að ásamt Man City hafi Paris Saint-Germain, Real Madrid og Liverpool einnig áhuga á hinum 21 árs gamla Haaland.
Real Madrid vill sameina Kylian Mbappe og Haaland hjá félaginu í sumar. Mbappe getur farið frá PSG frítt í sumar þegar samningur hans rennur út.
Það er þó ekki víst að Real takist þessi áætlun sín þar sem talið er að Alf-Inge Haaland, faðir Erling Haaland og fyrrum leikmaður Man City, vilji koma leikmanninum í bláa hluta Manchester.
