Barcelona heimsótti Valencia í La Liga, efstu deild Spánar í dag.
Pierre-Emerick Aubameyang opnaði markareikning sinn með Barcelona á 23. mínútu þegar hann kom liðinu yfir. Frenkie De Jong tvöfaldaði forystu Börsunga tæpum tíu mínútum síðar.
Áður en fyrri hálfleikur var allur var Aubameyang búinn að skora sitt annað mark.
Carlos Soler minnkaði muninn fyrir Valencia snemma í seinni hálfleik.
Pedri innsiglaði svo 1-4 sigur gestanna á 63. mínútu.
Barcelona er í fjórða sæti deildarinnar með 42 stig. Valencia er í tólfta sæti með 30 stig.