Samkvæmt frétt Daily Mirror er Manchester United að átta sig á því að það hafi verið mistök að fá Cristiano Ronaldo til liðs við félagið á ný í sumar.
Í fréttinni segir einnig að Man Utd muni ekki standa í vegi Ronaldo vilji hann fara frá félaginu næsta sumar.
Endurkoma Ronaldo til Man Utd vakti mikla athygli í sumar. Talið er að hann hafi verið nálægt því að ganga til liðs við erkifjendurna í Manchester City. Fréttin segir að United hafi aðallega fengið Ronaldo til félagsins til að koma í veg fyrir þangað.
Hinn 37 ára gamli Ronaldo hefur átt ágætis tímabil þrátt fyrir þessa umræðu. Portúgalinn hefur skorað níu mörk í ensku úrvalsdeildinni og sex í Meistaradeild Evrópu. Vandamálin við komu Ronaldo hafa frekar snúist um andrúmsloftið sem fylgdi innan liðsins.
