Jack Wilshere er genginn í raðir AGF í Danmörku á frjálsri sölu.
Hjá AGF mun Wilshere hitta fyrir þá Jón Dag Þorsteinsson og Mikael Anderson, landsliðsmenn Íslands.
Wilshere er þekktastur fyrir tíma sinn hjá Arsenal. Hann lék með Bournemouth á síðustu leiktíð.
Englendingurinn hefur æft með Arsenal undanfarnar vikur.
Wilshere skrifar undir samning við AGF út þessa leiktíð með möguleika á árs framlengingu.
AGF er í sjöunda sæti dönsku úrvalsdeildarinnar.
Hinn þrítugi Wilshere mun leika í treyju númer 10.
Félagið bauð hann velkominn með myndbandi á samfélagsmiðlum þar sem það rifjaði upp afar fallegt mark sem hann skoraði með Arsenal árið 2013.
Welcome 🇬🇧🤝✍️ #ksdh #sldk pic.twitter.com/YHYMMykfVx
— AGF (@AGFFodbold) February 20, 2022