Nantes gerði sér lítið fyrir og vann Paris Saint-Germain á heimavelli í frönsku Ligue 1 í kvöld.
Heimamenn voru 3-0 yfir í hálfleik eftir mörk frá Randal Kolo Muani, Quentin Merlin og Ludovic Blas.
Neymar minnkaði muninn fyrir stjörnum prýtt Parísarliðið snemma í seinni hálfleik. Lionel Messi og Kylian Mbappe, ásamt Neymar, voru í byrjunarliði PSG í kvöld.
PSG er áfram á toppi deildarinnar með 59 stig, 13 stigum á undan Marseille sem er í öðru sæti.