Rætt var um pressuna sem er kominn á Val að vinna allt sem í boði er í þættinum Íþróttavikan með Benna Bó, sem sýndur var á Hringbraut á föstudag. Valsmenn hafa styrkt sig mikið og eru komnir með ógnarsterkt lið.
Jóhann Alfreð Kristinsson, uppistandari, spurningahöfundur Gettu Betur og Valsari, segir að krafan um árangur sé ekki ný af nálinni á Hlíðarenda. „Ég skal viðurkenna að eftir nýjustu styrkingu er þetta farið að líta vel út. Það kæmi ekkert á óvart ef okkur yrði spáð titlinum en mér finnst mikið af liðum líta vel út og Valsmenn ekkert afgerandi í umræðunni.“
Hörður Snævar Jónsson, íþróttastjóri Torgs, segir að hann hafi ekki verið hrifinn af því að hlusta á önnur lið gráta það að Hólmar Örn Eyjólfsson hafi valið að fara í Val. „Ég var eiginlega pínulítið pirraður að hlusta á FH-inga væla og skæla að Valur ætti mesta peninginn og enginn vildi fara í Hafnarfjörðinn.
„Blikar voru á höttunum eftir Aroni Jóh fyrir áramót og hann valdi líka Val og þá allt í einu gat hann ekki neitt. Við tölum um þetta sem small dick energy. Þessi orka sem beinist að Val eru frábær tíðindi fyrir Heimi og Valsliðið.“
Nánari umræðu má sjá hér fyrir ofan