Paul Ince, fyrrum leikmaður Manchester United, telur ólíklegt að Erling Braut Haaland gangi til lið við félagið í sumar vegna tæklingu sem faðir hans, Alf-Inge Haaland, varð fyrir á Old Trafford á leikmannaferli sínum.
Það var árið 2001 sem Roy Keane tæklaði Alf-Inge svo illa að hann sleit krossband. Keane fékk átta leikja bann og risasekt fyrir athæfið.
Það þykir næsta víst að Haaland fari frá Dortmund í stærra félag í sumar. Ince segir þó að hann endi ekki hjá Man Utd. ,,Þú verður að horfa aftur til atviksins milli pabba hans og Roy Keane. Það gerðist á Old Trafford. Mun hann fara til Manchester United eftir það? Ég sé það ekki gerast,“ sagði ince.
Hann bætti svo við að nái Man Utd ekki að komast í Meistaradeild Evrópu fyrir næstu leiktíð sé vonin um að fá Haaland engin. ,,Ef það er engin Meistaradeild munu leikmenn eins og Haaland ekki fara á Old Trafford.“
Haaland hefur til að mynda verið orðaður við spænsku risanna Barcelona og Real Madrid. Þá hefur Manchester City verið nefnt til sögunnar.