fbpx
Laugardagur 04.febrúar 2023
433Sport

Samkynhneigður maður í Katar opnar sig um ástandið þar í landi

Helgi Sigurðsson
Þriðjudaginn 6. desember 2022 10:00

Ekki missa af Helstu tíðindum dagsins í pósthólfið þitt

Lesa nánar

Danski fréttamaðurinn Rasmus Tantholdt hefur verið virkur í að sýna frá myrku hliðum Heimsmeistaramótsins í Katar. Hann hefur gjarnan komið sér í klandur og kast við lögin þar í landi við störf sín.

Í gær birtist frétt á TV2 þar sem Tandholdt ræðir við samkynhneigðan mann í Katar. Það var ákveðið að kalla manninn Omar þar sem hann er ekki til í að koma fram undir nafni. Samkynhneigð er alls ekki vel liðin í landinu. Rödd hans er einnig breytt og andlitið blörrað.

„Að koma út gæti verið hættulegt. Ég gæti endað í fangelsi eða verið drepinn,“ segir Omar.

Það þarf að passa hvaða fólk maður hefur í kringum sig sem hinsegin manneskja. „Þú verður að velja þinn hring og hafa hann smáan. Því smærri sem hann er því meiri líkur áttu að lifa af.“

Stuðningsmenn og leikmenn á HM í Katar hafa reynt að sýna stuðning við hinsegin fólk á mótinu og var Omar spurður út í það.

„Ef ég á að vera hreinskilinn var þetta fallega hugsað en þetta hjálpar ekki. Þetta hjálpar ekki nema að þú breytir einhverju og að vera með armband í regnbogalitum gerir það ekki. Það var fallegt af þeim að reyna.“

Omar segir yfirvöld hafa beygt reglur aðeins á meðan HM stendur yfir. „Þeir hafa breytt einhverjum reglum sem passa betur við vestræn gildi. Eftir HM held ég að við förum aftur í gömlu reglurnar.“

Omar segir samkynhneigð svo sannarlega til í Katar.

„Það eru menn sem ákveða að gifta sig og hætta að stunda kynlíf með mönnum. Þeir lifa í afneitun. Það eru líka menn sem gifta sig og eignast börn til að samfélagið líti á þá sem „eðlilega.“ Svo halda þeir samt áfram að stunda kynlíf með öðrum mönnum í laumi,“ segir Omar, sem hefur ekki mikla trú á því að viðhorf til samkynhneigðra í Katar breytist á næstunni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 20 klukkutímum

Þorsteinn ræddi við Söru Björk eftir ákvörðunina – „Það var ekkert sem ég gat gert til að breyta því“

Þorsteinn ræddi við Söru Björk eftir ákvörðunina – „Það var ekkert sem ég gat gert til að breyta því“
433Sport
Fyrir 20 klukkutímum

Þorsteinn valdi hópinn fyrir Pinatar Cup – Einn nýliði

Þorsteinn valdi hópinn fyrir Pinatar Cup – Einn nýliði
433Sport
Fyrir 21 klukkutímum

Ten Hag var spurður út í Greenwood en harðneitaði að tjá sig

Ten Hag var spurður út í Greenwood en harðneitaði að tjá sig
433Sport
Fyrir 22 klukkutímum

Arteta opinberar hver næstu skref eru

Arteta opinberar hver næstu skref eru
433Sport
Fyrir 23 klukkutímum

Hrafnhildi ofbauð umræðan í Facebook hópnum í kjölfar tíðindanna og birti færslurnar – „Takk fyrir samveruna“

Hrafnhildi ofbauð umræðan í Facebook hópnum í kjölfar tíðindanna og birti færslurnar – „Takk fyrir samveruna“