Stjarna í ensku úrvalsdeildinni og leikmaður sem er að taka þátt á Heimsmeistaramótinu í Katar verður áfram laus úr haldi lögreglunnar í London gegn tryggingu.
Leikmaðurinn sem um ræðir en hefur aldrei verið nefndur á nafn var handtekinn í júlí og heimili hans skoðað.
Hann er sakaður um að hafa nauðgað tveimur konum, önnur konan sakar hann um að hafa nauðgað sér í sumar og hin konan sakar hann um að hafa nauðgað sér í apríl árið 2021.
Hann átti að svara til saka í október en nú hefur því verið frestað fram í janúar.
Leikmaðurinn var í haldi lögreglu og var sleppt úr haldi og tekur nú þátt í Heimsmeistaramótinu.
Leikmaðurinn sem er grunaður um þessi brot hefur fengið að spila með félagsliði en mörg félög hafa sett leikmenn sem eru undir grun til hliðar.