Fagn Christopher Nkunku eftir að hann skoraði gegn Shakhtar Donetsk í Meistaradeild Evrópu í gær vakti mikla athygli.
Nkunku skoraði fyrsta mark RB Leipzig í 0-4 sigri á úkraínska liðinu í gær.
Með sigrinum tryggði Leipzig sér annað sæti riðlilsins og fer ásamt Real Madrid í 16-liða úrslit Meistaradeildarinnar.
Eftir að Nkunku skoraði mark sitt fagnaði hann með því að blása upp blöðru. Margir hafa velt fyrir sér hvers vegna.
Blaðamaður nokkur hefur hins vegar útskýrt að Nkunku hafi lofað tveggja ára gömlum syni sínum að fagna á þennan hátt ef hann myndi skora. Frakkinn stóð að sjálfsögðu við loforðið. Hefur það án vafa glatt son hans mikið.