Þýskaland er komið með bakið upp við vegg á Heimsmeistaramótinu í Katar eftir verulega óvænt tap gegn Japan í gær. Þýskaland voru mikið mun sterkari aðili leiksins framan af leik en Ilkay Gundogan kom liðinu yfir. Markið skoraði Gundogan úr vítaspyrnu í fyrri hálfleik.
Þýskaland fékk urmul færa til að klára leikinn en voru ekki í markaskónum. Það nýttu Japanar sér.
Ritsu Doan jafnaði leikinn á 75 mínútu og átta mínútum síðar var það Takuma Asano sem kom Japan yfir. Bæði Doan og Asano komu inn sem varamenn í leiknum.
Umgengni í búningsklefum liða hefur stundum verið tilefni til vangaveltna og þykir sumum umgengni knattspyrnumanna ekki beinlínis vera til fyrirmyndar. En Japanir eru sér á báti hvað þetta varðar og hafa þeir fengið mikið lof fyrir það hvernig þeir skildu við búningsklefann eftir leikinn í gær.
Vöktu Japanir fyrst athygli fyrir svona framgöngu á HM í Rússlandi eftir súrt tap gegn Belgíu.
Í gær voru það svo bæði stuðningsmenn og leikmenn liðsins sem tóku allt rusl sem sást. Leikmenn liðsins tóku búningsklefa liðsins í gegn og allir stuðningsmenn Japan í stúkunni tóku ruslið sitt.
After an historic victory against Germany at the #FIFAWorldCup on Match Day 4, Japan fans cleaned up their rubbish in the stadium, whilst the @jfa_samuraiblue left their changing room at Khalifa International Stadium like this. Spotless.
Domo Arigato.👏🇯🇵 pic.twitter.com/NuAQ2xrwSI
— FIFA.com (@FIFAcom) November 23, 2022