Manchester United skoðar nú framherja sem gætu tekið við af Cristiano Ronaldo hjá félaginu.
Brottför Portúgalans frá Old Trafford var staðfest í gær. Komist var að samkomulagi um að rifta samningi hans.
Mirror tekur saman þriggja manna lista yfir leikmenn sem gætu leyst Ronaldo af hólmi hjá United.
Cody Gakpo
Var undir smásjá United í sumar. Hann kom að 25 mörkum PSV á síðustu leiktíð og ekki er tölfræðin lakari á þessari.
Gakpo skoraði í fyrsta leik sínum á HM gegn Senegal á dögunum og ekki lækkar verðmiðinn.
Benjamin Sesko
Aðeins nítján ára gamall og á framtíðina fyrir sér.
Sesko hefur skorað fimm mörk og lagt upp þrjú fyrir RB Salzburg í austurísku deildinni í sextán leikjum á þessari leiktíð.
Slóvenski framherjinn hefur þegar samið við RB Leipzig um að fara til félagsins í sumar en það gæti breyst ef gott tilboð berst frá United.
Kylian Mbappe
Skrifaði undir nýjan risasamning við Paris Saint-Germain í sumar en er alltaf í umræðunni og oft sagður ósáttur í París.
Það var sagt frá því á dögunum að United væri að undirbúa risatilboð.
