Ásgerður Stefanía Baldursdóttir fyrrum leikmaður Vals og nú þjálfari hjá félaginu var gestur í Íþróttavikunni með Benna Bó á föstudagskvöld en með henni í setti var Hörður Snævar Jónsson, fréttastjóri íþrótta á Torgi.
Líkt og Ásgerður Stefanía er Pálmi Rafn Pálmason hættur í fótbolta eftir frábæran feril en hann varð í tvígang Íslandsmeistari með Val og síðan KR.
„Hann er bæði góður leikmaður, fyrirmynd innan KR. Þeir eru heppnir að Pálmi valdi KR þegar hann kom heim,“ sagði Adda.
Pálmi lék í atvinnumennsku í sex ár en kom svo heim 2015 og gekk í raðir KR.
„Hann hefur verið andlit liðsins, alltaf staðið fyrir sínu, Það er alltaf verið að tala um aldurinn hans, hann hefur ekki misst af mörgum leikjum. Alltaf í standi og alltaf klár.“
Hörður Snævar ræddi um að í byrjun ferils Pálma hjá KR hafi hann mátt þola mikla gagnrýni.
„Sagan í KR er skemmtileg, hann kemur heim og var mikið gagnrýndur fyrsta eina og hálfa árið. Það var bara talað um launin hans. Hann hélt áfram og lækkaði í launum þegar hann fékk nýjan samning. Nánast besti maður liðsins 2019 og toppmaður hann Pálmi.“
Umræðan um þetta er hér að neðan.