Það er loksins staðfest að ÍA er fallið í Lengjudeildina eftir mikið bras og mikið hark á þessu tímabili.
Lokaumferð Bestu deildar karla fór fram í dag en ÍA þurfti að vinna FH með tíu mörkum til að eiga möguleika á að halda sæti sínu í efstu deild.
Það var alveg ljóst að möguleikar ÍA væru engir fyrir umferðina en markatala liðsins var mun verri en markatala FH fyrir viðureign liðanna í dag.
ÍA fellur í Lengjudeildina ásamt Leikni Reykjavík en Skagamenn enda með 25 stig líkt og FH.
Eyþór Wöhler tryggði ÍA sigur á FH í dag er liðið vann 2-1 sigur en því miður dugar að ekki til og fall staðreynd.
Breiðablik var búið að tryggja sér Íslandsmeistaratitilinn fyrir löngu en spilaði við bikarmeistara Víking Reykjavíks í dag.
Eitt mark var skorað og það gerði Ísak Snær Þorvaldsson sem er á leið í atvinnumennsku nú eftir tímabilið.
Hér fyrir neðan má sjá öll úrslitin í lokaumferðinni en Óskar Örn Hauksson var til að mynda á skotskónum fyrir Stjörnuna sem vann KR 2-0.
FH 1 – 2 ÍA
0-1 Gísli Laxdal Unnarsson(’40)
1-1 Úlfur Ágúst Björnsson(’45)
1-2 Eyþór Aron Wöhler(’93)
Breiðablik 1 – 0 Víkingur R.
1-0 Ísak Snær Þorvaldsson(’39)
KA 2 – 0 Valur
1-0 Hallgrímur Mar Steingrímsson(’32)
2-0 Hallgrímur Mar Steingrímsson(’40)
KR 0 – 2 Stjarnan
0-1 Eggert Aron Guðmundsson(’50)
0-2 Óskar Örn Hauksson(’57)
Keflavík 4 – 0 Fram
1-0 Dagur Ingi Valsson(’35)
2-0 Patrik Johannesen(’48)
3-0 Dani Hatakka(’62)
4-0 Patrik Johannesen(’81)
ÍBV 1 – 0 Leiknir R.
1-0 Arnar Breki Gunnarsson(’87)