Óskar Örn Hauksson er á leið heim til Njarðvíkur, ef marka má heimildir hlaðvarpsins Dr. Football.
Hinn 38 ára gamli Óskar gekk í raðir Stjörnunnar frá KR síðasta vetur. Hann hafði verið hjá síðarnefnda félaginu í fjórtán ár, þar sem hann fór á kostum.
KR taldi sig hins vegar ekki hafa not fyrir Óskar eftir síðustu leiktíð og gekk hann því í raðir Stjörnunnar.
Þar fékk hann hins vegar ekki það hlutverk sem hann hafði vonast eftir. Nú er leikmaðurinn því á förum.
Samkvæmt Dr. Football verður Njarðvík næsti áfangastaður Óskars.
Liðið komst upp úr 2. deild karla á síðustu leiktíð og leikur því í Lengjudeildinni, næst efstu deild, á komandi leiktíð.
Ljóst er að Óskar yrði hvalreki fyrir Njarðvíkinga.